Siunissami Kalaallit Nunaanni nutaaliorlutik aallarnisaasussanik ilinniartitseqataarusuppit?Siunissami Kalaallit Nunaanni nutaaliorlutik aallarnisaasussanik ilinniartitseqataarusuppit?

Ilinniartitsisuuvit atuartuutinnullu ilinnullumi ineriartortitserusussusilik? Ilinniartitseriaatsimik nutaamik misilittaanissannut takorluugaqarpit, taava maanna periarfissaqalerputit. Fonden for Entreprenørskabi 2018-imi nutaaliorluni aallarnisaanermut ilinniartitsisinnaanissamut ilinniartitseqqinniarpoq. Taamaattumik siunissami Kalaallit Nunaanni nutaaliorlutik aallarnisaasussanik pilersitseqataaniassagavit suleqatitillu ilinniartitseqqinnissamut peqataanissassinnut nalunaaritsi. Arlaannik apeqqutissaqaruit saaffigisinnaavaatsigut. Suut neqeroorutigisinnaanerigut ataani paasisaqarfigisinnaavat.

Ilinniaqqinnerup siunertaa:

Peqataasut:

  •        Nutaaliorluni aallarnisaanermut tunngasunut ilinniartitsinissamut teoritiskimik paasinninneq
  •        Nutaaliorluni aallarnisaasinnaanissamut ingerlariaatsinik aammalu naleqalersitsinermut suliniutinik paasinnissinnaaneq
  •        Sivisuumik nutaaliorluni aallarnisaanermut tunngasunik ilinniartitsisinnaaneq
  •        Fonden for Entreprenørskabip programmiinut, sakkuliaannut saqqummersitaannullu ilisimasaqalerneq
  •        Nammineq atuartitsissutigisartakkani nutaaliorsinnaanerup aallarnisaasinnaanerullu ilanngunneqarneri ineriartortinneqarnerilu
  •        Nammineerluni nutaaliorluni aallarnisaasinnaaneq ilinniartitsissutigisartakkami atorneqarsinnaaneranik eqqarsarsinnaasuseq

Programmi pillugu

Pikkorissartitsineq ulluni pingasuni ingerlanneqassaaq. Pikkorissarnerullu aallartinnginnerani peqataasussat qulaani taakkartorneqartut pillugit Edison imaluunniit Combany Programme pillugit ilisimassarsiussallutik. Ullut assigiinngiiaartunik ingerlanneqassapput, teoriit paasisaqarfigineqassapput, misilittarneqassapput eqqarsaatigineqassallutillu. Pikkorissarnerullu ingerlanneqarnerani annerpaamik misilittaanermik ingerlanneqassalluni, taamaasiornikkummi paasisat atuartitsinermi qanoq atorneqarnissaat toqqaannartumik ilisimaneqalerniassammat.

Kikkunnut

Pikkorissartitsineq meeqqat atuarfianni, ilinniarnertuunngorniarfinni aammalu ilinniarfinni ilinniartitsisuusunut tulluarsagaavoq. Pikkorissarnerlu aamma ilinniarfissuarmi ilinniartitsisunut ilinniartitsisunngornianullu ukiup aappaaniit sisamaanut ingerlatsisunut aamma peqataaffigineqarsinnaalluni.

Pikkorissartitsineq aallarnisaanermut pikkorissarnerunngilaq, kisiannili ilinniartitseriaatsimut tunnganerulluni. Taamaattumik sammineqartussat ilinniartitsineq ajortunut paasiuminaassinnaapput.

Isumatusaarnerussaaq atuarfinninngaanniit ilinniarfinniillu pingasunnik peqataatitsisoqarnissaq, aammalu aqutsisut peqataasullu pikkorissarnerup aallartinnginnerani pikkorissareernerup kingorna suut siunertaanersut isumaqatigiissutigineqareersimanissaat.

Ilinniartitsisut

Fonden for Entreprenørskabiminngaanniit pikkorissaasoqassaaq, taakkualu ukiuni kingullerni arfinilinni-arfineq marlunni nutaaliorluni aallarnisaaneq pillugu atuartunut, ilinniartunut, ilinniartitsisunullu atuartitsissallutik/ilinniartitsissallutik misilittagaqarfigilereersimallugu. Tamarmiullutillu ilinniartitsisareerput, siornatigullu ilinniartitaanerup iluani piffinni assigiinngitsuni ilinniartitsisareerlutik.

Attaveqarneq

Peqataasut tamarmik Kalaallit Nunaanni nutaaliorluni aallarnisaanermik ilinniartitsisinnaasut attaveqarfigisinnaanngussavaat. Facebookikkut gruppiliortoqarnikuuvoq aammalu peqataasussat allattorsimasuutigineqarlutik. Facebookgruppi atortussanik, eqqarsaatinik isumassarsianillu siammarterivissatut atorneqarsinnaavoq.

Pisussaaffik

Ilinniartitsisut peqataaniartut peqataanissaminnut pisussaaffii tassaapput:

  1.        peqataasussat programmi malillugu sammineqartussanut piareersassapput
  2.        ulluni marluni pikkorissartitsinernut peqataassapput
  3.        2018 aasaareernerani sivisunerusumik nutaaliorluni aallarnisaanermut tunngasunik pikkorissartiteqqittoqalerpat peqataanissaq, taassumalu kingorna atuartuutit 2018-ip ukiaanerani pisoqartitsinermi peqataasinnaalissallutik
  4.        pikkorissartitsineq pillugu naliliisoqalerpat peqataanissaq

Ullut

Pikkorissartitsineq Nuummi Sisimiunilu ingerlanneqassaaq.

Nuuk: Pikkorissarfissat septemberip 3.-4. Nal 9.00 - 15.30

Sisimiut: Pikkorissarfissat septemberip 6.-7.. Nal 9.00 – 15.30

Sumiiffik

 

Paasissutissat

  •        Peqataaneq akeqanngilaq
  •        Fonden for Entreprenørskabip nerisaqarneq akilissavaa
  •        Peqataasut namminneerlutik angalaneq unnuinerit peqataanermullu aningaasartuutit allat akilissavaat.

Allagartartaarneq

Aningaasaateqarfimminngaanniit ilinniaqqinnermut peqataasut naammassinnillutik pisussaaffinnillu qulaani taakkartorneqareersunut naammassinnittut tamarmik allagatamik tunineqassapput.

Saaffissaq

http://gronland.ffe-ye.dk/

 

Georgine Graversen

Imikkoortortaqarfimmi Ingerlatsisoq - Regionsleder

+299 49 28 28   

Georgine@FFE-YE.dk

Fonden for Entreprenørskab Kalaallit Nunaat

Imaneq 32, 1 sal |  3900 Nuuk  |   http://gronland.ffe-ye.dk